حالیہ سرگرمیاں

دستکاری میلہ – خواتین تاجروں کے فن اور دستکاری کی نمائش اور فروخت کے لیے مرکز برائے مطالعات نسواں، مولانا آزاد نیشنل اردو یونیورسٹی نے  9-11-2015  کو اس میلہ کا اہتمام کیا۔یہ دستکاری نمائش آزادتقاریب -2015 کا ایک حصہ تھی ، جس کے دوران کیمپس  کے اندر اور باہر مختلف النوع سرگرمیاں انجام دی گئی تھیں۔اس دستکاری میلے کا اصل مقصد خواتین  کی  تاجرانہ صلاحیت اورمعاشی بااختیاری کو فروغ دینا ، گھریلو خواتین کاریگروں اور خواتین کی تنظیموں کے لیے ایک پلیٹ فارم کی فراہمی تھا تاکہ ان کے درمیان ایک رابطہ قائم اور وہ اپنی تیار کردہ اشیا فروخت کے لیے پیش کرسکیں۔

مرکز برائے مطالعات نسواں کی جانب سے  16 جنوری2015 کو"عورتوں کے خلاف تشدد" کے موضوع پر مولانا آزاد لکچر ہال کمپلکس میں ایک توسیعی لکچر کا انعقاد  کیا گیا۔محترمہ حمیرہ احمد، ریٹائرڈچیف پوسٹ ماسٹر جنرل[ہماچل پردیش، گجرات اور مغربی بنگال]، ڈپٹی سکریٹری، وزارت مال، حکومت ہند و دائرکٹر محکمہ ثقافت، حکومت ہند نے اس موضوع پر خطاب کیا۔ اپنی تقریر میں انہوں نے کہا کہ سماجی سطح پر لوگوں کی ذہنیت کو تبدیل کرکے  عورتوں پر تشدد کو روکا جاسکتا ہے اور یہ کام تعلیمی اداروں میں ہوسکتا ہے۔

دستکاری میلہ
توسیعی لکچر
قومی کمیشن برائے خواتین کے اشتراک سے علمی مباحثہ

مرکز برائے مطالعات نسواں کی جانب سے 24 مارچ 2015 کو قومی کمیشن برائے خواتین ، نئی دہلی کے اشتراک سے "ہندوستانی مسلم خواتین کی مرکزی دھارے میں شمولیت -  پیش رفت کا طریقہ" کے موضوع پر مرکزی کتب خانہ ، مولانا آزاد نیشنل اردو یونیورسٹی ، گچی باولی حیدرآباد میں ایک علمی مباحثہ کا اہتمام کیاگیا۔
پروفیسر فاطمہ علی خان[شعبہ جغرافیہ، عثمانیہ یونیورسٹی و رکن آئی سی ایس ایس آر] نے پروگرام کی صدارت کی۔ قومی کمیشن برائے خواتین کی صدرمحترمہ للیتا کمارامنگلم  نے مہمان خصوصی کی حیثیت سے شرکت کی۔اس کے علاوہ محترمہ ثمینہ شفیق، رکن قومی کمیشن برائے خواتین بھی اس موقع پر موجود تھیں۔مسلم خواتین،ماہرین تعلیم، غیر سرکاری تنظیموں کے نمائندوں اور ریسرچ اسکالروں نے مباحث میں حصہ لیا۔

بین الاقوامی یوم خواتین  - 2015 تقاریب

ادبی و ثقافتی مقابلے
مرکز برائے مطالعات نسواں نے بین الاقوامی یوم خواتین -2015 کے موقع پر مختلف پروگراموں اور مقابلوں کا اہتمام کیا ۔ جیسے"خواتین کا تحفظ – ایک سماجی ذمہ داری" کے عنوان پر مضمون نگاری ، پوسٹر سازی اور نعرے تحریر کرنے کے مقابلے منعقد کیے گئے۔یونیورسٹی کے طلبا اور اسکالروں نے ان مقابلوں میں حصہ لیا۔

پوسٹرنمائش
10 مارچ2015کو"خواتین کا تحفظ – ایک سماجی ذمہ داری" کے موضوع  مرکزی کتب خانہ ، مولانا آزاد نیشنل اردو یونیورسٹی میں ایک پوسٹر نمائش کا اہتمام کیا گیا۔نمائش کا افتتاح پروفیسر خواجہ ایم شاہد، پرووائس چانسلرنے کیا۔ جب کہ پروفیسر ایس ایم رحمت اللہ انچارج رجسٹرار، جسٹس باشا نواز خان، اسپیشل میٹروپولیٹن مجسٹریٹ، فوجداری عدالت، حیدرآباد نے بحیثیت مہمان تقریب میں شرکت کی۔ 
پینل مباحثہ
مرکز برائے مطالعات نسواں کی جانب سے 10 مارچ2015 کو مرکزی کتب خانے کے آڈی ٹوریم میں ایک پینل مباحثہ کا اہتمام کیا گیا۔ اس مباحثہ کا موضوع "ہندوستان میں خواتین کا تحفظ – مسائل اور حل" تھا۔اس پینل میں ڈاکٹر محمد فہیم اختر، صدرشعبہ اسلامیات، مولانا آزاد نیشنل اردو یونیورسٹی، جسٹس باشا نواز خان،اسپیشل میٹروپولیٹن مجسٹریٹ، فوجداری عدالت، حیدرآباد، محترمہ ریما راجیشوری، ڈپٹی کمشنر پولیس ملکاجگری، ہیڈ شی ٹیم حیدرآباد،  پروفیسر ایس ایم رحمت اللہ ، انچارج رجسٹرارمولانا آزاد نیشنل اردویونیورسٹی و ڈین اسکول برائے آرٹس و سماجی علوم، ڈاکٹر شاہدہ ، صدرشعبہ تعلیم نسواں مولانا آزاد نیشنل اردویونیورسٹی اور محترمہ زہرہ بیگم وکیل عدالتِ فوجداری حیدرآبادشامل تھے۔

ثقافتی پروگرام
مرکز برائے مطالعات نسواں کی جانب سے نظامت فاصلاتی تعلیم کے آڈی ٹوریم میں "ایک شام عظمت نسواں کے نام" کے عنوان پر ثقافتی پروگرام کا اہتمام کیا گیا۔ڈاکٹر اودیش رانی، رکن این سی ای آر ٹی دہلی اس پروگرام کی مہمان خصوصی تھیں۔اور پروفیسر خدیجہ بیگم صدر شعبہ تعلیم و تربیت و ڈین اسکول برائے تعلیم تربیت نے پروگرام کی صدارت کی۔یونیورسٹی کے طلبا نے اس موقع پر مختلف النوع ادبی و ثقافتی پروگرام پیش کیے۔

بیداری پروگرام برائے صحت
مرکز برائے مطالعاتِ نسواں کی جانب سے 24 اپریل 2015 کویونیورسٹی کے گرلز ہاسٹل میں "خواتین کی صحت پر تناؤکے اثرات – مسائل اور حل" کے موضوع پرصحت بیداری پروگرام کا اہتمام  کیا گیا۔ مولاناآزاد نیشنل اردو یونیورسٹی کی کونسلرمحترمہ نجمہ اس پروگرام کی ماہر تھیں۔ انہوں نے تفصیل سے خواتین کی صحت پر تناؤ کے اثرات پر روشنی ڈالی اوراس سے نمٹنے کے مختلف   طریقے بھی بیان کیے۔

مرکز برائے مطالعاتِ نسواں کی جانب سے گزشتہ برسوں کے دوران انجام دی گئی سرگرمیاں: