ایم اے لیگل اسٹڈیز کے علاوہ فرانسیسی، روسی اور پشتو میں سرٹیفکیٹ کورسز کا آغاز
حیدرآباد، 13 اگست (پریس نوٹ) مولانا آزاد نیشنل اردو یونیورسٹی میں تعلیمی سال 2022-23 کے لیے میرٹ کی اساس پر ریگولر کورسز میں آن لائن داخلوں کی آخری 30 اگست ہے۔ ایم اے لیگل اسٹڈیز اور پشتو، فرانسیسی و روسی میں سرٹیفکیٹ کورسز کا آغاز کیا گیا ہے۔ ایم اے لیگل اسٹڈیز کورس سے طلبہ کے اندر قانونی مہارتیں فروغ پائیں گی۔
فرانسیسی اور روسی میں مہارت کے کورسز کے لیے 10+2 یا کسی مسلمہ ادارے سے مماثل کورس کامیاب امیدوار اہل ہیں جبکہ پشتو میں مہارت کے کورس کے لیے 10ویں، بارہویں یا گریجویشن میں اردو بطور مضمون یا بحیثیت ذریعہ تعلیم پڑھی ہو یا مانو سے تسلیم شدہ مدرسہ سے اردو ذریعہ تعلیم سے مماثل مدرسہ کورس کیا ہوکے علاوہ مسلمہ ادارے سے عالم / فاضل کامیاب ہو اہل ہیں۔
میرٹ کی اساس پر داخلے کے کورسز میں پوسٹ گریجویشن پروگرامس اُردو، انگریزی، ہندی، عربی، مطالعات ترجمہ، فارسی ؛ مطالعات نسواں، نظم و نسق عامہ، سیاسیات، سوشل ورک، اسلامک اسٹڈیز، تاریخ، معاشیات، سماجیات، لیگل اسٹڈیز؛ صحافت و ترسیل عامہ؛ ایم کام اور ایم ایس سی (ریاضی) شامل ہیں۔ جزوقتی ڈپلوما پروگرامس میں اردو، ہندی، عربی، فارسی اور اسلامک اسٹڈیز، تحسین غزل اور سرٹیفکیٹ کورسزمیں اردو، پشتو، فرانسیسی، روسی میں داخلے دستیاب ہیں۔
مختلف کیمپسوں میں دستیاب کورسز وغیرہ کی مکمل جانکاری یونیورسٹی ویب سائٹmanuu.edu.inپر دستیاب نوٹفکیشن اور ای۔پراسپکٹس سے حاصل کی جاسکتی ہے۔ تفصیلات یا کسی وضاحت کے لیے نظامت داخلہ کوadmissionsregular@manuu.edu.inپر ای میل کریں۔داخلہ ہیلپ ڈیسک رابطہ برائے عمومی رہنمائی کے لیے موبائل نمبرات 6207728673, 9866802414, 6302738370 & 9849847434 پر رابطہ کیا جاسکتا ہے۔
مانو میں خواتین مجاہدین آزادی پر پوسٹر نمائش
حیدرآباد، 13 اگست (پریس نوٹ) مولانا آزاد نیشنل اردو یونیورسٹی، شعبہتعلیمات نسواں کے زیر اہتمام آزادی کا امرت مہوتسو کے تحت ”خواتین مجاہدین آزادی“ پر پوسٹر نمائش کا 15 تا 17 اگست مرکز برائے اردو ثقافت میں اہتمام کیا جارہا ہے۔ پروفیسر سید عین الحسن، وائس چانسلر صبح 10 بجے اس کا افتتاح انجام دیں گے۔ ڈاکٹر آمنہ تحسین، صدرشعبہ کے بموجب نمائش 17 اگست تک طلبہ اور عوام کے مشاہدے کے لیے کھلی رہے گی۔
