اردو یونیورسٹی میں بین الاقوامی یومِ یوگا کا انعقاد

حیدرآباد، 22 جون (پریس نوٹ)بین لاقوامی یومِ یوگا کے موقع پر مولانا آزاد نیشنل اردو یونیورسٹی کے انڈور اسٹیڈیم میں کل ایک تقریب کا اہتمام کیا گیا۔ شعبۂ تعلیم وتربیت کے اسوسیئٹ پروفیسر ڈاکٹر اشونی نے شرکاءکو یوگا آسن کروائے۔
 پروفیسر اشتیاق احمد، رجسٹرار نے مہمان خصوصی اورپروفیسر صدیقی محمد محمود، او ایس ڈی II، نے بحیثیت مہمانِ اعزازی شرکت کی۔ پروفیسر اشتیاق احمد نے اس موقع پر کہا کہ ہر سال یومِ یوگا کے ذریعہ عوامی بیداری پیدا کی جاتی ہے۔ یوگا کے مختلف آسن ، درد اور بیماریوں کا مو ثر علاج ثابت ہوتے ہیں۔ ہندوستان میں صدیوں سے جاری یوگا سے آج دیگر اقوام بھی فائدہ اٹھا رہے ہیں۔ اس سے ہمیں اور ہمارے خاندان کو فائدہ اٹھانا چاہیے۔
پروفیسر شکیل احمد نے کہا کہ یوگا نہ صرف انسان کو جسمانی طور پر تندرست رکھتا ہے بلکہ اس سے ذہنی صلاحیتوں میں بھی اضافہ ہوتا ہے۔ اس بار حکومت ہند نے یومِ یوگا کا موضوع ”یوگا برائے انسانیت “رکھا ہے۔ اسی پر عمل درآمد کرتے ہوئے مانو کے طلبہ، اساتذہ و عملہ نے انڈور سٹیڈیم میں یوگا کے آسن کیے۔ پروفیسر محمود صدیقی نے بھی خطاب کیا۔ پروگرام کی نظامت یوگا کمیٹی کی کوآرڈینیٹر ڈاکٹر فردوس تبسم نے کی۔