قرآن مختلف النوع علوم کی یکجائی کی اعلیٰ ترین مثال
PressRelease
قرآن مختلف النوع علوم کی یکجائی کی اعلیٰ ترین مثال
مانو میں موکس پر آن لائن ورکشاپ۔ پروفیسر رحمت اللہ و دیگرکے خطاب
حیدرآباد:9 مارچ (پریس نوٹ) مولاناآزاد نیشنل اردو یونیورسٹی، مر کز پیشہ ورانہ فروغ برائے اساتذہ اردو ذریعہ تعلیم (سی پی ڈی یو ایم ٹی) کے زیرِ اہتمام بڑے پیمانے پر آن لائن کورس (MOOCs) پر سہ روزہ آن لائن ورکشاپ کی افتتاحی تقریب میں صدارتی خطاب کر تے ہوئے کارگزار شیخ الجامعہ پروفیسر ایس ایم رحمت اللہ نے کہا کہ قرآن مختلف النوع علوم کی یکجائی کی اعلیٰ ترین مثال ہے۔ موجودہ دور میں بین انضباطی (انٹر ڈسپلنری) تعلیم پر زور دیا جا رہا ہے موکس کے ذریعہ اس کا فروغ تیزی سے ہو رہا ہے ۔اردو میڈیم اور دینی مدارس کے اساتذہ کو بھی اس سے استفادہ کرنا چاہیے۔ اس پروگرام کے مہمانِ اعزازی پروفیسر صدیقی محمد محمود ،انچارج، رجسٹرار انچارج نے بتایا کہ موکس کا دائرہ کار بین الاقوامی ہو تا ہے، جس سے اساتذہ اور طلبہ دونوں مستفیض ہو سکتے ہیں ۔اس مو قع پر مرکز کے ڈائرکٹر ، پروفیسرمحمد عبدالسمیع صدیقی نے خیر مقدمی کلمات پیش کر تے ہوئے بتا یا کہ تقریباًسات سو سے زائد اساتذہ اس ورکشاپ میں حصہ لے رہے ہیںاور انھوںنے فرداً فرداً تمام لو گوں کا استقبال کیا۔ اس اجلاس کی کاروائی پروگرام کے کو آرڈیٹیٹر جناب مصبا ح انظر، اسسٹنٹ پروفیسر ،سی پی ڈی یو ایم ٹی نے چلائی۔ قبل ازیں ڈاکٹر عبدالعلیم کی تلاوتِ کلام پاک سے پروگرام کا آغاز ہوا۔ پہلے تکنیکی اجلاس میں پروفیسر سنیم فاطمہ نے موکس کا تعارف پیش کیا اور شرکا کے سوالوں کے جوابات دیے۔